សពបុរសជាប្តី មានឈ្មោះអ៊ន អុន ភេទប្រុសអាយុ៤៩ឆ្នាំ មានស្រុកកំណើតនៅភូមិព្រៃដើមថ្នឹង ឃុំព្រៃដើមថ្នឹង ស្រុងស៊ីធរកណ្តាល ខេត្តព្រៃវែង។ សពស្រ្តីជាប្រពន្ធ មានឈ្មោះភួងស្រីយ័ន្ត អាយុ៤៨ឆ្នាំ។
យោងតាមប្រភពពីកន្លែងកើតហេតុបានប្រាប់ឲ្យដឹងថា ដំបូងគាត់បានឃើញប្តីប្រពន្ធ២នាក់ ជាជនរងគ្រោះបានជិះម៉ូតូម៉ាកហុងដាមួយគ្រឿង ពណ៌ខ្មៅពាក់ផ្លាកលេខ កំពង់ឆ្នាំង 1C-6183 ជិះឌុបគ្នាតាមបណ្តោយផ្លូវជាតិលេខ៦A ក្នុងទិសដៅពីលិចទៅកើតក្នុងល្បឿនលឿនមធ្យម គោលបំណងជិះចេញពីភ្នំពេញត្រឡប់ទៅស្រុកកំណើត នៅឯខេត្តព្រៃវែង ពេលជិះមកដល់ចំណុចកើតហេតុខាងលើ ស្រាប់តែគេឃើញមានបុរសម្នាក់ ទំនងជាស្រវឹងស្រាខ្លាំង បានបើករថយន្តបង្កស៊េរីទំនើបម៉ា MecerdesG63 ពណ៌ខ្មៅពាក់ផ្លាកលេខ កម្ពុជាHL.800 បើកតាមបណ្តោយផ្លូវជាតិលេខ៦A ទិសដៅស្របគ្នាពីលិចមកកើតក្នុងល្បឿនយ៉ាងលឿនដូចហោះ លុះមកដល់ចំណុចកើតហេតុ ក៏ជ្រុ.លទៅបុកម៉ូតូពីក្រោយយ៉ាងពេញទំ.ហឹង ប៉ើងទៅមុខជាច្រើនម៉ែត្រ រួចបន្តល្បឿនទៅបុកផ្ទប់រថយន្តដឹកទំនិញ២គ្រឿងទៀត ដែលចតស្ងៀមនៅលើចិញ្ចើមផ្លូវ ចំពីក្រោយពេញទំ.ហឹងរងការខូចខាតយ៉ាងដំណំ ចំណែករថយន្តបង្កវិញមើលលែងយល់ ហើយភ្លាមនោះដែរ សមត្ថកិច្ចបានឃាត់ម្ចាស់រថយន្តបង្ក នៅនឹងកន្លែងកើតហេតុភ្លាមៗ។
ក្រោយកើតហេតុខាងលើសមត្ថកិច្ចមូលដ្ឋាន សហការជាមួយនិងផ្នែកជំនាញចរាចរណ៍ ចុះមកដល់រួចពិនិត្យនិងទំនាក់ទំនងទៅផ្នែកជំនាញចរាចរណ៍ក្រុង ចុះមកវាស់វែងយករថយន្តស្ទូច មកស្ទូចយករថយន្តបង្កនិងម៉ូតូរងគ្រោះ ទៅរក្សាទុកនៅខាងការិយាល័យចរាចរណ៍ជំនាញផ្លូវគោក នៃស្នងការដ្ឋាននគរបាលរាជធានីភ្នំពេញ រងចាំដោះស្រាយនៅពេលក្រោយ៕
