កីឡាករកីឡាការិនីប្រភេទចំបាប់របស់កម្ពុជាបានទទូលមេដាយសរុប៧គ្រឿងក្នុងការប្រកួតឆ្នេរខ្សាច់ នៅថៃ

June 19, 2022 adm Comment(0)

ភ្នំពេញ៖កីឡាករកីឡាការិនីចំបាប់កម្ពុជាបានមេដាយសរុប៧គ្រឿងនៅក្នុងការប្រកួតជើងឯកកីឡាចំបាប់ឆ្នេរខ្សាច់ នៅខេត្ត Uttaradit ប្រទេសថៃ។

ជាមួយនឹងជ័យជំនះនេះលោក ខេស៊ី បាណេត (Casey Barnett) អនុប្រធានសហព័ន្ធកីឡាចំបាប់កម្ពុជា មានប្រសាសន៍ថា ការឈ្នះមេដាយសរុប៧គ្រឿង នេះ គឺជាមធ្យោយបាយដ៏ល្អមួយ សម្រាប់កីឡាចំបាប់កម្ពុជា ក្នុងការកសាងទំនុកចិត្តលើខ្លួនឯង និងបទពិសោធន៍របស់ពួកគេ ក្នុងដំណើរឆ្ពោះទៅទទួលរៀបចំធ្វើម្ចាស់ផ្ទះ ការប្រកួតកីឡា ស៊ីហ្គេម លើកទី៣២ ឆ្នាំ២០២៣។

លោកបានចាត់ទុកថាការចូលរួមប្រកួតរបស់ក្រុមចំបាប់កម្ពុជាក្នុងការប្រកួតកីឡាចំ
បាប់ជើងឯកឆ្នេរខ្សាច់ នៅប្រទេសថៃ (Beach Wrestling Championships of Thailand 2202 at Uttaradit Province June 11-18, 2022) នេះ គឺវាមានសារសំខាន់ សម្រាប់ប្រភេទកីឡាចំបាប់កម្ពុជា ក្នុងការចូលរួមកសាងបទពិសោធន៍ និងជំនាញ សម្រាប់ការត្រៀមខ្លួនឆ្ពោះទៅប្រជែងមេដាយញជូនជាតិ ក្នុងពេលកម្ពុជាធ្វើជាម្ចាស់ផ្ទះ ស៊ីហ្គេម លើកទី៣២ ឆ្នាំ២០២៣។

នេះ គឺជារឿងល្អណាស់ ពីព្រោះថា ព្រឹត្តិការណ៍នេះ មានគូប្រជែងជាច្រើន ក្នុងប្រភេទទម្ងន់នីមួយៗ ហើយប្រភេទទម្ងន់ខ្លះ មានដល់ទៅ ១២នាក់។ ដូច្នេះ អ្នកចំបាប់កម្ពុជាត្រូវប្រឹងប្រែងដើម្បីសម្រេចបានជ័យជម្នះរបស់ពួកគេ។

នេះជាមធ្យោបាយដ៏ល្អមួយសម្រាប់យើង ក្នុងការកសាងទំនុកចិត្តលើខ្លួនឯង និងបទពិសោធន៍របស់ពួកគេ ក្នុងការឈានទៅ ស៊ីហ្គេម ឆ្នាំ២០២៣ នៅកម្ពុជា។
កីឡាករ កីឡាការិនីចំបាប់ជម្រើសជាតិកម្ពុជា អាយុក្រោម២០ឆ្នាំ និងក្រោម១៥ឆ្នាំ បានឈ្នះមេដាយមាស៣គ្រឿងប្រាក់៣គ្រឿងនិងសំរឹទ្ធ១គ្រឿងពីការប្រកួតជើងឯកកីឡាចំបាប់ឆ្នេរខ្សាច់ នៅខេត្ត Uttaradit ប្រទេសថៃ ដែលបានប្រព្រឹត្តទៅពីថ្ងៃទី១១ ដល់ថ្ងៃទី១៦ ខែមិថុនា ឆ្នាំ២០២២។ ព្រឹត្តិការណ៍ចំបាប់ឆ្នេរខ្សាច់នេះ មាន៣ប្រទេសចូលរួម គឺម្ចាស់ផ្ទះថៃ ដែលមានក្លិបចូលរួមប្រកួតចំនួន៣០សិង្ហបុរីនិងកម្ពុជាដែលបានបញ្ជូនប្រតិភូកីឡាចំនួន១១នាក់ រួមមាន លោក ខេស៊ី បាណេត អ្នកដឹកនាំក្រុម អ្នកស្រី កាង ណុចបវរ នាយកបច្ចេកទេស និងលោក ចាប លឿន ជាគ្រូបង្វឹក។ ចំពោះកីឡាករ កីឡាការិនី បានប្រកួតលើប្រភេទចំបាប់សេរីដូចៗគ្នា (៨ប្រភេទទម្ងន់) ចំនួន៨នាក់ ដូចជាកីឡាករ ចាប សុខលី, អុល សៅហេង, លឿន ចាន់មុន្នី, ស៊ីម ប្រសើ, ឆុំ សុខខៃ និងកីឡាការិនី ៣នាក់ រួមមាន៖ សម្បត្តិ វណ្ណៈ, ស៊ីម គាថា និងកីឡាការិនី ជឿន ស្រីឡែន។

ជ័យលាភីសម្រាប់យុវជនក្រោម១៥ឆ្នាំមេដាយមាស១គ្រឿងដណ្តើមបានដោយកីឡា
ករ ស៊ីម ប្រសើ ក្នុងទម្ងន់៤១គីឡូក្រាម និងមេដាយសំរឹទ្ធ១គ្រឿង ដោយកីឡាករ លឿន ចាន់មុន្នីក្នុងប្រភេទទម្ងន់៦៨គីឡូក្រាម។មេដាយ៥គ្រឿងរបស់កីឡាករកីឡាការិនីក្រោមអាយុ២០ឆ្នាំ រួមមាន៖ ១.មេដាយមាស១គ្រឿង ដោយកីឡាករ ចាប សុខលី ទម្ងន់៦៥គីឡូក្រាម ២.មេដាយមាស១គ្រឿង ដោយកីឡាករ អុល សៅហេង លើទម្ងន់៧៤គីឡូក្រាម។

៣.មេដាយប្រាក់៣គ្រឿង ដណ្តើមបានដោយកីឡាការិនី សម្បត្តិ វណ្ណៈ ទម្ងន់៥៥គីឡូក្រាម កីឡាការិនី ស៊ឺម គាថា ទម្ងន់៥០គីឡូក្រាម និងកីឡាការិនី ជឿន ស្រីឡែន លើប្រភេទទម្ងន់ ៥៧គីឡូក្រាម៕

adm

ព័ត៌មាន

អំណោយដ៏ថ្លៃថ្លារបស់ ឧត្តមសេនីយ៍ឯក ហ៊ុន ម៉ាណែត និងលោកជំទាវ ត្រូវបានចែកជូនដល់កងកម្លាំងជួរមុខ ទិសទី២ យោធភូមិភាគទី៥

November 26, 2021 adm

នាព្រឹកថ្ងៃទី២៥ ខែវិច្ឆិកា ឆ្នាំ២០២១ ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ អញ្ជើញចុះសំណេះសំណាលសួរសុខទុក្ខ និងនាំយកគ្រឿងឧបភោគ បរិភោគ ដែលជាអំណោយដ៏ថ្លៃថ្លារបស់ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជេីងគោក និងលោកជំទាវ ជូនដល់កងកម្លាំង ដែលកំពុងបំពេញភារកិច្ចទប់ស្កាត់ពលករឆ្លងដែនខុសច្បាប់ និងទប់ស្កាត់ការឆ្លងរាលដាលនៃជំងឺកូវីដ-១៩ នៅតាមបន្ទាត់ព្រំដែនកម្ពុជា-ថៃ ក្នុងភូមិសាស្រ្តទិសទី២ យោយោធភូមិភាគទី៥។ ឧត្តមសេនីយ៍ត្រី កែវ សេងលន មេបញ្ជាការកងពលតូចថ្មើរជើងលេខ៥៣ បានមានកិត្តិយស និងសេចក្តីសោមនស្សរីករាយក្រៃលែង ដោយបាន ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ បានផ្តល់កិត្តិយស អញ្ជើញជាអធិបតី ក្នុងពិធីសំណេះសំណាលសាកសួរសុខទុក្ខ នាំយកអំណោយដ៏ថ្លៃថ្លារបស់ ឧត្តមសេនីយ៍ឯក អគ្គមេបញ្ជាការរង មេបញ្ជាការកងទ័ពជើងគោក ចែកជូនកងកម្លាំងប្រដាប់អាវុធ គ្រប់ស្ថាប័នក្នុងទិសទី២ យោធភូមិភាគទី៥ ដែលកំពុងបំពេញភារកិច្ចទប់ស្កាត់ពលករឆ្លងដែនខុសច្បាប់ និងទប់ស្កាត់ការឆ្លងរាលដាល នៃជំងឺកូវីដ-១៩ មិនឲ្យចូលក្នុងប្រទេស នៅតាមខ្សែបន្ទាត់ព្រំដែនកម្ពុជាថៃអស់រយ:ពេល១១ខែកន្លងមក។ ជំនួសមុខអង្គពិធី […]

ព័ត៌មាន

ក្រសួងសុខាភិបាល ប្រកាសអនុញ្ញាតឱ្យប្រើប្រាស់វ៉ាក់សាំង Sinopharm COVID-19 របស់ចិន ក្នុងលក្ខខណ្ឌនៃការប្រើប្រាស់ជាបន្ទាន់

February 4, 2021 adm

(ភ្នំពេញ)៖ ក្រសួងសុខាភិបាល នៅថ្ងៃទី៤ ខែកុម្ភៈ ឆ្នាំ២០២១ បានចេញលិខិតអនុញ្ញាតឱ្យប្រើប្រាស់វ៉ាក់សាំង Sinopharm COVID-19 របស់ប្រទេសចិន ក្នុងលក្ខខណ្ឌនៃការប្រើប្រាស់ជាបន្ទាន់។ ក្នុងលិខិតនេះបានបញ្ជាក់យ៉ាងដូច្នេះថា៖ «ក្រសួងសុខាភិបាលនៃព្រះរាជាណាចក្រកម្ពុជា អនុញ្ញាតឱ្យប្រើប្រាស់នូវវ៉ាក់សាំង Sinopharm COVID-19 ដែលផលិតដោយវិទ្យាស្ថាន Beijing Institute of Biological Products Co., Ltd នៃសាធារណរដ្ឋប្រជាមានិតចិន ក្នុងលក្ខខណ្ឌនៃការប្រើប្រាស់ជាបន្ទាន់ (Emergency Use Authorization) ដោយអនុវត្តតាមពិធីសារស្តីពីយុទ្ធនាការចាក់វ៉ាក់សាំងកូវីដ-១៩ របស់រាជរដ្ឋាភិបាល»។ សូមបញ្ជាក់ថា រដ្ឋាភិបាលចិន បានសម្រេចផ្តល់ជំនួយវ៉ាក់សាំងបង្ការជំងឺកូវីដ១៩ ឈ្មោះ Sinopharm ចំនួន១លានដូស ដល់រដ្ឋាភិបាលកម្ពុជា ដើម្បីចាក់ជូនប្រជាពលរដ្ឋដោយឥតគិតថ្លៃ។ វ៉ាក់សាំង ៦០ម៉ឺនដូស នឹងត្រូវបញ្ជូនមកដល់មុនគេ ហើយក្រោយទៀត នឹងត្រូវបញ្ជូនជាបន្តបន្ទាប់។ កាលពីថ្ងៃ០១ ខែកុម្ភៈ ឆ្នាំ២០២១កន្លងទៅ ក្នុងពិធីបើកការដ្ឋានសាងសង់រោងចក្រប្រព្រឹត្តកម្មទឹក ស្អាតបាក់ខែង និងពិធីសម្ពោធដាក់ឱ្យដំណើរការជាផ្លូវការរោងចក្រប្រព្រឹត្តកម្មទឹកស្អាតចម្ការមន សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសថា រាជរដ្ឋាភិបាលកម្ពុជា នឹងត្រៀមបម្រុងវ៉ាក់សាំងចំនួន […]

ព័ត៌មានសន្តិសុខសង្គម ព័ត៌មានស៊ើបអង្កេត

សម្ដេចក្រឡាហោម ស ខេង៖ ដើម្បីពង្រឹងសន្តិសុខ សណ្ដាប់ធ្នាប់ សុវត្ថិភាពសង្គម ព្រមទាំងកិត្តិយសជាតិប្រកាន់យកគោលការណ៍៣ក្នុងកិច្ចប្រតិបត្តិការ

September 13, 2022 adm

ខេត្តព្រះសីហនុ៖ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានថ្លែងជំរុញឱ្យរដ្ឋបាលខេត្ត និងគ្រប់ភាគីពាក់ព័ន្ធក្នុងខេត្តព្រះសីហនុ បន្តការខិតខំប្រឹងប្រែងបង្ក្រាបគ្រប់ទម្រង់នៃអំពើជួញដូរមនុស្ស ដោយប្រកាន់យកគោលការណ៍ចំនួន៣ក្នុងកិច្ចប្រតិបត្តិការ គឺសង្គ្រោះជនរងគ្រោះ, បង្ក្រាបទីតាំងប្រព្រឹត្តបទល្មើស និងចាប់ខ្លួនជនល្មើស បណ្ដាញ និងមេខ្លោងពាក់ព័ន្ធមកផ្ដន្ទាទោសទៅតាមច្បាប់ ដើម្បីពង្រឹងសន្តិសុខ សណ្ដាប់ធ្នាប់ សុវត្ថិភាពសង្គម ព្រមទាំងកិត្តិយសជាតិ។ ការថ្លែងបែបនេះរបស់សម្ដេចក្រឡាហោម ស ខេង ក្នុងខណៈដែលសម្តេចអញ្ជើញដឹកនាំកិច្ចប្រជុំត្រួតពិនិត្យការប្រយុទ្ធប្រឆាំងគ្រប់ទម្រង់នៃអំពើជួញដូរមនុស្ស ជួញដូរពលកម្ម និងអាជីវកម្មផ្លូវភេទ កាលពីថ្ងៃទី១២ ខែកញ្ញា ឆ្នាំ២០២២ម្សិលមិញនេះ នៅឯខេត្តព្រះសីហនុ។ សូមជម្រាបថា ក្នុងកិច្ចប្រជុំនេះដែរក៏មានការអញ្ជើញចូលរួមពីលោក សាយ សំអាល់ រដ្ឋមន្រ្តីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ លោក កើត រិទ្ធ រដ្ឋមន្រ្តីក្រសួងយុត្តិធម៌ លោក លោកស្រី រដ្ឋលេខាធិការ អនុរដ្ឋលេខាធិការ ,លោកនាយឧត្តមសេនីយ៍សន្តិបណ្ឌិត នេត សាវឿន , នាយឧត្តមសេនីយ៍ សៅ សុខា , លោកឧត្តមសេនីយ៍ ថ្នាក់ដឹកនាំរដ្ឋបាលខេត្តព្រះសីហនុ និងមន្រ្តីជាន់ខ្ពស់មួយចំនួនទៀត។ ក្នុងឱកាសនោះ […]

Related Articles

Leave a Reply Cancel reply