ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន៖ «ក្នុងនាមប្រធានកិត្តិយសនៃសមាគមអភិរក្សដំរីខ្មែរអៃរាវត្តា ខ្ញុំបានមកសាកសួរសុខទុក្ខ និងពិនិត្យលើការងារអភិរក្សនិងចិញ្ចឹមដំរីស្រុកនៅទីស្នាក់ការសមាគមក្នុងខេត្តរតនគិរី នាល្ងាចថ្ងៃទី០៥ ខែតុលា ឆ្នាំ២០២៤។ ខ្ញុំពិតជាសប្បាយរីករាយដែលបានឃើញការរីកលូតលាស់នៃសមាគម ការថែរក្សា និងអភិរក្សដំរីស្រុកបានយ៉ាងល្អ។ ខ្ញុំសូមថ្លែងអំណរគុណដល់សប្បុរសជន ជាពិសេសក្រុមគ្រួសារលោក Pierre-Yves Clais និងលោកស្រី ក្លេ ចិន្តា ដែលបានលះបង់កម្លាំងកាយ កម្លាំងចិត្ត និងថវិកាក្នុងការចូលរួមថែរក្សាអភិរក្សដំរីស្រុកនេះ។ សូមបញ្ជាក់ថា កម្ពុជាមានដំរីស្រុកប្រមាណជាង ៧០ ក្បាល ដែលកំពុងថែរក្សា អភិរក្ស និងមានដំរីព្រៃចន្លោះពី ៤០០ ទៅ ៦០០ ក្បាល ដែលកំពុងរស់នៅក្នុងព្រៃធម្មជាតិកម្ពុជានៅក្នុងភូមិភាគឦសាន និងតំបន់ជួរភ្នំក្រវាញ តំបន់ព្រៃឡង់ជាដើម។ ជាមួយគ្នានេះ ការបង្កាត់ពូជដំរីក្នុងស្រុក របស់សមាគមនេះបានផ្តល់លទ្ធផលដ៏ត្រចះត្រចង់ដោយទទួលកូនដំរីមួយក្បាលឈ្មោះណូអែល ដែលជាក្តីសង្ឃឹមថ្មីសម្រាប់ការងារអភិរក្សដំរីស្រុក។ ស្ថិតនៅភូមិកាទៀង ឃុំល្បាំងពីរ ស្រុកលំផាត់ ខេត្តរតនគិរី សមាគមអភិរក្សដំរីខ្មែរអៃរាវត្តា បាននិងកំពុងថែរក្សា និងអភិរក្សដំរីស្រុកចំនួន ៤ ក្បាលក្នុងនោះឈ្មោលពីរ ញី […]
រាជធានីភ្នំពេញ ៖ ក្នុងពេលគ្រប់គ្នាកំពុងរងផលប៉ះពាល់ពីជំងឺកូវីដ ១៩ នេះ កម្មករកាត់ដេរនៅតំបន់ស្ទឹងមានជ័យ បានត្អូញថា បន្ទប់ជួលបានឡើងថ្លៃ ៥ ដុល្លារនៅឆ្នាំ ២០២២ នេះខណៈដែលប្រាក់ខែគោលរបស់ពួកគាត់នៅឆ្នាំនេះបានឡើងពី ២ ដុល្លារពីឆ្នាំចាស់ ។ កម្មកររោងចក្រជាច្រើនដែលជួលបន្ទប់ស្នាក់នៅក្នុងសួនឧស្សាហកម្មកាណាស៊ីធី ក្នុងតំបន់ស្ទឹងមានជ័យ បង្ហាញការមិនសប្បាយចិត្តចំពោះការឡើងថ្លៃបន្ទប់ក្នុងមួយខែ ៥ ដុល្លារនោះ ។ អ្នកស្រី អូន អ្នកជួលបន្ទប់ពីក្រុមហ៊ុនកាណាស៊ីធី ដែលជាបុត្រសម្ព័ន្ធរបស់ក្រុមហ៊ុនកាណាឌីយ៉ាអ៊ិនវេសមិន បានឱ្យដឹងថា បន្ទប់ជួលរបស់ក្រុមហ៊ុននេះបានឡើងថ្លៃជាបន្តបន្ទាប់ តាំងពីមួយខែ ៣០ ដុល្លារអាមេរិកក្នុងមួយបន្ទប់រហូតមក គឺបានឡើងទៅតាមការឡើងប្រាក់ខែរបស់កម្មករ ។ អ្វីដែលហួសចិត្តនោះ ក្នុងពេលដែលកម្មករជួបវិបត្តិនឹងកូវីដ ១៩ ផង ហើយប្រាក់ខែកម្មករបានដំឡើងត្រឹមតែ ២ ដុល្លារក្នុងមួយខែ បែរជាក្រុមហ៊ុនបានឡើងថ្លៃបន្ទប់ជួល ៥ ដុល្លារទៅវិញ ។ កញ្ញស្រី ណែត បានត្អូញដូចគ្នាការឡើងថ្លៃបន្ទប់ជួលនេះ ។ កញ្ញានិយាយថា ប្រាក់ខែឡើងបានតែ ២ ដុល្លារទេក្នុងឆ្នាំ ២០២២ នេះ តែបន្ទប់ជួលចាប់ផ្ដើមទារឡើងថ្លៃ ៥ […]
ភ្នំពេញ៖ រដ្ឋបាលរាជធានីភ្នំពេញ បានបញ្ជាក់ថា នៅថ្ងៃទី២៣ ខែធ្នូ ឆ្នាំ២០២១ វេលាម៉ោង០៦:០០នាទីព្រឹក អគ្គនាយកដ្ឋានគយ និងរដ្ឋាករ កម្ពុជានឹងរៀបចំពិធីសម្ពោធដាក់ឱ្យប្រើប្រាស់ជាផ្លូវការ អគាររដ្ឋបាល នៃអគ្គនាយកដ្ឋានគយ និងរដ្ឋាករកម្ពុជា ដែល មានទីតាំងស្ថិតនៅអគារលេខ៦-៨ មហាវិថីព្រះនរោត្តម ខណ្ឌដូនពេញ រាជធានីភ្នំពេញ ក្រោមអធិបតីភាព សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា។ ដើម្បីឱ្យកម្មវិធីខាងលើប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ ព្រមទាំងបញ្ចៀសបាននូវការកកស្ទះចរាចរ រដ្ឋបាលរាជធានីភ្នំពេញនឹងបញ្ចៀសចរាចរ ចំពោះយានយន្តគ្រប់ប្រភេទ លើកំណាត់មហាវិថីព្រះនរោត្តម (ចាប់ពីផ្លូវលេខ១១០ កែងមហាវិថី ព្រះនរោត្តម ដល់ផ្លូវលេខ១៣០ កែងមហាវិថីព្រះនរោត្តម) និងផ្លូវលេខ១១៨ (ចាប់ពីផ្លូវលេខ៥១ ដល់ផ្លូវ លេខ១៩) និងផ្លូវលេខ១២៦ (ចាប់ពីផ្លូវលេខ៥១ ដល់មហាវិថីព្រះនរោត្តម) នៅថ្ងៃទី២៣ ខែធ្នូ ឆ្នាំ២០២១ ចាប់ពីម៉ោង ០៥៖០០នាទីព្រឹក រហូតដល់បញ្ចប់កម្មវិធី។ រដ្ឋបាលរាជធានីភ្នំពេញ សូមបងប្អូនប្រជាពលរដ្ឋទាំងអស់ មេត្តាជ្រាប យោគយល់ […]
