ការចាក់វ៉ាក់សាំងស៊ីណូវ៉ាក់ និងស៊ីណូហ្វាម សម្រាប់ដូសទី១ និងទី២ ត្រូវដូរគម្លាតពី១៤ថ្ងៃ ទៅ២១ថ្ងៃ។ ករណីនេះ លោកស្រី ឱ វណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស។ គណៈកម្មការចំពោះកិច្ចចាក់វ៉ាក់សាំងកូវីដ-១៩ បានណែនាំមួយដល់ក្រុមគ្រូពេទ្យថា គម្លាតនៃការចាក់វ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ (Sinovac) និងស៊ីណូហ្វាម (Sinopharm) សម្រាប់ដូសទី១ និងទី២ ត្រូវដូរពី១៤ថ្ងៃ ទៅ២១ថ្ងៃវិញ ។ ទោះយ៉ាងណា ពាក់ព័ន្ធនឹងការបន្ថែមរយៈពេលគម្លាតវ៉ាក់សាំងស្របពេលដែលកម្ពុជាសម្រេចបានផែនការចាក់វ៉ាក់សាំងជាងពាក់កណ្ដាលហើយនោះ លោកស្រី ឱ វណ្ណឌីន រដ្ឋលេខាធិការ និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេសបានបញ្ជាក់ថា អ្នកចាក់វ៉ាក់កន្លងមកជាង៥លាននាក់ក៏មិនមានអ្វីខុសឆ្គងនោះដែរ គ្រាន់តែការសិក្សាបែបវិទ្យាសាស្ត្រ បង្ហាញប្រសិនបើការចាក់វ៉ាក់សាំងស៊ីណូវ៉ាក់ និងស៊ីណូហ្វាម សម្រាប់ដូសទី១ និងទី២ ត្រូវដូរគម្លាតពី១៤ថ្ងៃ ទៅ២១ថ្ងៃ និងធ្វើអោយការបង្កើតអង្គបដិបក្ខក្នុងរាង្គកាយ កាន់តែរឹងមាំបន្ថែមទៀត ដែលនាំអោយមានភាពស៊ាំក្នុងរាង្គកាយ ដើម្បីទប់ទល់នឹងវីរុសកូវីដ-១៩៕
l បន្ទាប់ពីអញ្ជើញដល់សាធារណរដ្ឋប្រជាមានិតចិន នៅព្រឹកថ្ងៃទី២៣ ខែកញ្ញា ឆ្នាំ២០២៤នេះ គណៈប្រតិភូជាន់ខ្ពស់រដ្ឋសភាកម្ពុជា ដឹកនាំដោយ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានអញ្ជើញទស្សនាមហាកំផែង ដែលជាកន្លែងប្រវត្តិសាស្ត្រដ៏ល្បីរបស់ប្រទេសចិន និងជាបេតិកភណ្ឌពិភពលោកមួយដែលបានទាក់ទាញអ្នកទេសចររាប់សិបលាននាក់មកទស្សនាក្នុងមួយឆ្នាំៗ។ ដំណើរទស្សនកិច្ច គណៈប្រតិភូជាន់ខ្ពស់រដ្ឋសភាកម្ពុជានៅមហាកំផែងចិន នៅក្នុងគោលបំណងភ្ជាប់ទំនាក់ទំនងអរិយធម៌ដ៍ចំណាស់ សប្បូរបែបនិងយូរលុងប្រទេសទាំងពីរ និងក៍ជាការភ្ជាប់ទំនាក់ទងប្រជាជននិងប្រជាជន ដែលជាគ្រឹះនៃការពង្រឹងកិច្ចសហប្រតិបត្តិការទំាងវិស័យការទូតសភា ទេសចរណ៍ វប្បធម៌ សេដ្ឋកិច្ច ពាណិជ្ជកម្ម ជាដើម។ ឆ្នាំ២០២៤ជាឆ្នាំនៃការផ្លាស់ប្តូរប្រជាជននិងប្រជាជន ដែលរដ្ឋាភិបាលប្រទេសទំាងពីរ បានដាក់ចេញក្នុងផែនការកសាងសហគមន៍ជោគវាសនារួម កិច្ចសហប្រតិបត្តិត្បូងពេជ្រ ប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់។ មហាកំផែងចិន បានសាងសង់នៅដើមសតវត្សរ៍ទី៣ មុនគ.ស មានប្រវែងសរុប ២១ ១៩៦ គីឡូម៉ែត្រ មានទទឹងប្រែប្រួលតាមផ្នែកនីមួយៗ ចន្លោះពី ៤ ទៅ៩ ម៉ែត្រ។ មហាកំផែង បានបញ្ចូលទៅក្នុងបញ្ជីបេតិកភណ្ឌពិភពលោករបស់អង្គការយូណេស្កូក្នុងឆ្នាំ១៩៨៧។ សូមជម្រាបថា តបតាមការអញ្ជើញរបស់ ឯកឧត្តម ចាវ ឡឺជី […]
អតីតប្រធានគណបក្សអំណាចខ្មែរ លោក សួន សេរីរដ្ឋា បានលើកឡើងថា ការទទួលបានជំនួយពីមហាអំណាចចិន សម្រាប់ការអភិវឌ្ឍន៍លើគ្រប់វិស័យ រួមទាំងវ៉ាក់សាំងការពារជំងឺកូវីដ១៩ គឺជាមោទនៈភាពរបស់កម្ពុជា។ លោកថា ប្រទេសកម្ពុជា ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី ក៏មិនដែលបិទ ឬហាមមិនឲ្យទទួលយកជំនួយពីបរទេស ឬពីមហាអំណាចផ្សេងដែរ។ ផ្ទុយទៅវិញ គឺកម្ពុជាបើកទ្វារចំហរសម្រាប់ជំនួយអភិវឌ្ឍន៍មកពីគ្រប់ទិសទីដោយមិនដែលប្រកាន់ ឬរើសអើងជំនួយឡើយ។ លោក សួន សេរីរដ្ឋា ឲ្យដឹងថា ការចោទប្រកាន់ណាមួយមកលើនយោបាយដឹកនាំរបស់កម្ពុជាថា ពឹងលើប្រទេសចិនតែមួយនោះវាគឺជាការមើលឃើញដ៏អគតិ ជាការច្រណែនដ៏ធ្ងន់ធ្ងរមួយ និងគ្មានសុភវិនិច្ឆ័យល្អសម្រាប់កម្ពុជា។ លោកថា កម្ពុជា មិនមែនជារដ្ឋកម្មសិទ្ធរបស់ប្រទេសណាមួយនោះទេ។ កម្ពុជា ជារដ្ឋឯករាជ្យ ជាប្រទេសសមាជិកនៃអង្គការសហប្រជាជាតិ និងជាកម្មសិទ្ធិរបស់ប្រជាជាតិកម្ពុជា ក្រោមការដឹកនាំរបស់សម្តេចតេជោ ហ៊ុន សែន ជានាយករដ្ឋមន្ត្រី និងជាប្រធានគណបក្សប្រជាជនកម្ពុជា ដែលឈ្នះឆ្នោត។ អតីតប្រធានគណបក្សអំណាចខ្មែរលោក សួន សេរីរដ្ឋា បានអះអាងថា កម្ពុជា មានសេរីភាពនិងមានឯករាជ្យភាពការទូតពេញលេញ ដើម្បីទំនាក់ទំនងអន្តរជាតិដោយចំហជាមួយបណ្តាប្រទេសជាមិត្តលើពិភពលោក និងមានសិទ្ធិទទួលយកជំនួយអភិវឌ្ឍន៍ ជំនួយការពារសុខភាពសាធារណៈ និងជំនួយមនុស្សធម៌គ្រប់រូបភាព ដើម្បីជួយប្រជាពលរដ្ឋកម្ពុជាដែលកំពុងត្រូវការ និងធ្វើការអភិវឌ្ឍន៍ប្រទេសដោយឯករាជ្យ។ […]
