ខេត្តកំពង់ស្ពឺ៖បុរសម្នាក់ត្រូវបានគូជម្លោះកាប់ចំនួន៣ពូថៅបណ្តាលឱ្យរងរបួសយ៉ាងធ្ងន់ធ្ងរខណៈរូបគាត់និងជនដៃដល់មានទំនាស់ពាក្យសម្តីគ្នាបន្តិចបន្តួចសោះ។ ករណីហិង្សានេះបានកើតឡើងនៅចំណុចភូមិស្នាមពុក ឃុំវាលពង់ ស្រុកឧដុង្គ ខេត្តកំពង់ស្ពឺ កាលពីយប់ថ្ងៃទី១៨ខែឧសភាឆ្នាំ២០២២។ ទាក់ទងនឹងករណីនេះសមត្ថកិច្ចស្រុកឧដុង្គបានឱ្យដឹងថា ជនរងគ្រោះឈ្មោះ ហេង ហាន ភេទប្រុស អាយុ៣៣ឆ្នាំរស់នៅក្នុងភូមិស្នាមពុល ឃុំវាលពង់ ស្រុកឧដុង្គ ខេត្តកំពង់ស្ពឺ។ ចំណែកជនសង្ស័យមានឈ្មោះ ពេជ្រ សោភ័ណ្ឌ ភេទប្រុស អាយុ៣៦ឆ្នាំ រស់នៅភូមិទួលអំពិល ឃុំព្រែកតាទែន ស្រុកពញាឭ ខេត្តកណ្តាល។ ប្រភពបានបន្តទៀតថា ជនសង្ស័យក្រោយពីធ្វើសកម្មភាពរួចបានរត់គេចខ្លួនបាត់ទៅ។ ករណីនេះផ្តើមឡើងពីទំនាស់ពាក្យសម្តីគ្នាបន្តិចបន្តួចប៉ុណ្ណោះ។ បច្ចុប្បន្នកម្លាំងនគរបាលកំពុងស្រាវជ្រាវតាមចាប់ខ្លួនជនបង្កយកមកសាកសួរដើម្បីកសាងសំណុំរឿងអនុវត្តតាមនីតិវិធីបន្ត៕
លោក Felix G.Dalmas គ្រូបង្វឹកក្រុមជម្រើសជាតិអាយុក្រោម ២៣ឆ្នាំកម្ពុជា មានសេចក្ដីរីករាយចំពោះកូនក្រុមខ្លួន ដោយលោកបានចាត់ទុកជាកីឡាករជំនាន់ថ្មី សម្រាប់ការចូលរួមប្រកួតជម្រើសជើងឯកយុវជនអាស៊ីអាគ្នេយ៍ AFF U23 Championship 2023 នៅប្រទេសថៃ ចាប់ពីថ្ងៃទី១៧-២៦ ខែសីហាខាងមុខ ។ នេះបើតាមការលើកឡើងក្នុងសន្នីសីទសារព័ត៌មាន មុនការប្រកួត នៅថ្ងៃទី១៦ ខែសីហានេះ បន្ទាប់ពីក្រុមគោព្រៃជំទង់កម្ពុជា បានធ្វើដំណើរទៅដល់ខេត្តរយ៉ង ប្រទេសថៃ កាលពីម្សិលមិញ ។ ជាមួយគ្នា លោកក៏បានអរគុណដល់ម្ចាស់ផ្ទះ ដែលបានរៀបចំទទួលក្រុមជម្រើសជាតិ U23 កម្ពុជាបានល្អ ទាំងម្ហូបអាហរ និងកន្លែងស្នាក់នៅផងដែរ ។ គ្រូបង្វឹកសញ្ជាតិអាហ្សង់ទីនរូបនេះ បន្ដថា «ពួកយើងរីករាយ ដែលបានមកទីនេះ, ការត្រៀមខ្លួនគឺល្អ សម្រាប់កីឡាករកម្ពុជា ជំនាន់ថ្មីរបស់យើង ហើយយើងរំភើបក្នុងការប្រកួតម្ដងទៀត ជាមួយក្រុមកំពូលក្នុងតំបន់» ។
ភ្នំពេញ ៖ ករណីលួច (គ្រឿងអលង្ការក្រវិលមាស) ស្ថិតនៅចំណុចក្នុងបរិវេណសាលាបឋមសិក្សាចុងកោះ ផ្លូវបេតុង ភូមិចុងកោះ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ កើតហេតុថ្ងៃទី២១ ខែមិថុនា ឆ្នាំ២០២៣ ។ +ជនសង្ស័យឃាត់ខ្លួនថ្ងៃទី២១ ខែមិនថុនា ឆ្នាំ២០២៣ ឈ្មោះ រស់ សុគន្ធា ភេទស្រី អាយុ២៥ឆ្នាំ ជនជាតិខ្មែរ ស្នាក់នៅបច្ចុប្បន្នផ្ទះគ្មានលេខ ផ្លូវលំ ភូមិក្បាលកោះ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ មុខរបរលក់ដូរ។ +វត្ថុតាងដកហូតពីជនសង្ស័យរួមមាន៖ ១-ម៉ូតូម៉ាកសង់កូរ៉េ ពណ៌ក្រហម គ្មានស្លាកលេខ(ចាស់) ចំនួន០១គ្រឿង ដែលជាមធ្យោបាយជិះមកធ្វើសកម្មភាព និង២-ក្រវិលមាស ចំនួន០១គូរ ទម្ងន់២ហ៊ុន ។ ជនសង័្សយឃាត់ខ្លួននៅអធិការដ្ឋាននគរបាលខណ្ឌជ្រោយចង្វារ ដើម្បីបញ្ជូនសំណុំរឿងទៅកាន់សាលាដំបូងរាជធានីភ្នំពេញ ៕
