ព័ត៌មាន

ឯកឧត្តម នេត្រ ភក្ត្រា អញ្ជើញដឹកនាំគណៈប្រតិភូក្រសួងព័ត៌មាន គោរពវិញ្ញាណក្ខន្ធសពសម្តេចចៅហ្វាវាំង គង់ សំអុល ភ្នំពេញ ថ្ងៃទី០៤ ខែកញ្ញា ឆ្នាំ២០២៤–

September 4, 2024 adm Comment(0)

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន អញ្ជើញដឹកនាំគណៈប្រតិភូក្រសួងព័ត៌មាន ចូលរួមគោរពវិញ្ញាណក្ខន្ធសពសម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល នៅគេហដ្ឋាននៃសព ស្ថិតនៅផ្ទះលេខ៨៣ ផ្លូវសុកហុក (១០៧) សង្កាត់បឹងព្រលឹត ខណ្ឌ៧មករា រាជធានីភ្នំពេញ នាព្រឹកថ្ងៃទី០៤ ខែកញ្ញា ឆ្នាំ២០២៤។

សូមជម្រាបថា សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល បានទទួលមរណភាពនៅវេលាម៉ោង៨ និង៣៥នាទីព្រឹក ថ្ងៃចន្ទ ទី០២ ខែកញ្ញា ឆ្នាំ២០២៤ ក្នុងជន្មាយុ ៩៤ឆ្នាំ ដោយជរាពាធ។

រូបថត៖ សុខ ពេជ្ររតនា

—————

adm

ព័ត៌មាន

កម្ពុជា និងADB ចែករំលែកចក្ខុវិស័យពីការអភិវឌ្ឍន៍ជំនាញនៅកម្ពុជាខណៈដែលការធ្វើពិពិធកម្មសេដ្ឋកិច្ចទីផ្សារដែលពឹងផ្អែកលើជំនាញ និងបច្ចេកវិទ្យាជាទិសដៅ

August 21, 2024 adm

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅរសៀលថ្ងៃទី២១ ខែសីហា ឆ្នាំ២០២៤ បានជួបពិភាក្សាការងារជាមួយគណៈប្រតិភូនៃធនាគារអភិវឌ្ឍន៍អាស៊ីដែលដឹកនាំដោយលោកស្រី Justine Diokno-Sicat នៅទីស្តីការក្រសួង។ ក្នុងជំនួបប្រកបដោយភាពស្និទ្ធស្នាល ភាគីទាំងពីរ បានចែករំលែកពីចក្ខុវិស័យ កាលានុវត្តភាព និងបញ្ហាប្រឈមនានា លើការអភិវឌ្ឍជំនាញ ខណៈដែលកម្ពុជាមានទិសដៅធ្វើពិពិធកម្មសេដ្ឋកិច្ចទីផ្សារពីអតិពលកម្ម និងមានតម្លៃទាប ទៅជាសេដ្ឋកិច្ចទីផ្សារដែលពឹងផ្អែកលើឧស្សាហកម្ម និងបច្ចេកវិទ្យា។ បន្ថែមពីនេះភាគីទាំងពីរ ក៏បានពិភាក្សា និងចែករំលែកចក្ខុវិស័យពីកម្មវិធីថ្នាក់ជាតិរបស់រាជរដ្ឋាភិបាលកម្ពុជា លើការបណ្តុះបណ្តាលជំនាញវិជ្ជាជីវៈ ដល់យុវជនមកពីគ្រួសារក្រីក្រ និងងាយរងហានិភ័យ ១.៥លាននាក់ ដែលមានទិសដៅផ្តល់ជំនាញយ៉ាងឆាប់រហ័សសម្រាប់កម្លាំងពលកម្មក្នុងទីផ្សារការងារ។ ក្នុងនោះ ឯកឧត្តមរដ្ឋមន្ត្រី បានគូសបញ្ជាក់ពីឆន្ទៈរបស់រាជរដ្ឋាភិបាលកម្ពុជាលើការបណ្តុះបណ្តាលជំនាញវិជ្ជាជីវៈ ជូនប្រជាពលរដ្ឋដែលជាក្រុមគោលដៅ ក៏ដូចជាពលរដ្ឋទូទៅដើម្បីទទួលបានជំនាញជាក់លាក់ក្នុងការទទួលបានឱកាសការងារសមរម្យឆាប់រហ័ស ក្នុងគោលបំណងកែប្រែជីវភាពគ្រួសារឱ្យកាន់តែរីកចម្រើនបន្ថែមទៀត។ ត្រង់ចំណុចនេះ ក្រៅពីបង្ហាញពីគោលនយោបាយ ការត្រៀមខ្លួនរួចជាស្រេចរបស់ក្រសួងការងារ លើការបណ្តុះបណ្តាលនេះ ឯកឧត្តមរដ្ឋមន្ត្រី បានគូសបញ្ជាក់ពីភាពបត់បែនលើកាលវិភាគចំពោះការបណ្តុះបណ្តាលជំនាញវិជ្ជាជីវៈ ដើម្បីបង្កបរិយាកាសកាន់តែងាយស្រួលដល់សិក្ខាកាម សម្រាប់សិក្សា។ ជាមួយគ្នានេះ ភាគីធនាគារអភិវឌ្ឍន៍អាស៊ី បានចែករំលែកបទពិសោធន៍ និងសម្តែងការអបអរសាទរចំពោះឆន្ទៈ និងគោលនយោបាយរបស់រាជរដ្ឋាភិបាលលើការអភិវឌ្ឍធនធានមនុស្សនៅកម្ពុជា […]

ព័ត៌មាន ព័ត៌មានអន្តរជាតិ

យន្តហោះដឹកអ្នកដំណើយន្តរបស់ក្រុមហ៊ុនអាកាសចរណ៍ Tata Airរដែលបាត់ខ្លួននៅនេប៉ាល់ អាជ្ញាធរបានផ្អាកការស្វែងរកព្រោះតែអាកាសធាតុមិនអំណោយផល

May 30, 2022 adm

(អន្តរជាតិ)៖ យន្តហោះរបស់ក្រុមហ៊ុនអាកាសចរណ៍ Tata Air ដឹកមនុស្ស ២២នាក់ (អ្នកដំណើរ១៩នាក់ , និងអាកាសយានិក៣នាក់) ដែលបានហោះចេញពីទីក្រុង Pokhara ភាគខាងលិចប្រទេសនេប៉ាល់ នៅព្រឹកថ្ងៃទី២៩ ឧសភា បានបាត់ការទាក់ទងជាមួយចរាចរណ៍ផ្លូវអាកាសភ្លាមៗបន្ទាប់ពីការហោះហើរ។ លោក Phanindra Mani Pokharel អ្នកនាំពាក្យក្រសួងមហាផ្ទៃរបស់ប្រទេសនេប៉ាល់បាននិយាយថា ឧទ្ធម្ភាគចក្រពីរគ្រឿងបានបើកដំណើរការដើម្បីស្វែងរករ ប៉ុន្តែអាជ្ញាធរបានផ្អាកស្វែងរកដោយសារមេឃកាន់តែយប់ពិបាកក្នុងការមើលឃើញ ហើយអាកាសធាតុអាក្រក់អាចរំខានដល់ដំណើរការស្វែងរក។ អ្នកនាំពាក្យក្រុមហ៊ុនអាកាសចរណ៍បាននិយាយថានៅយន្តហោះនោះមានជនជាតិឥណ្ឌា ៤នាក់ អាល្លឺម៉ង់ ២នាក់ នេប៉ាល់ ១៣នាក់ និងអាកាសយានិក៣នាក់។ យន្តហោះដែលបាត់ខ្លួននោះ ដំណើរការដោយក្រុមហ៊ុនអាកាសចរណ៍ឯកជន Tara Air របស់ប្រទេសនេប៉ាល់។ យន្តហោះនេះបានហោះចេញពីទីក្រុងទេសចរណ៍ Pokhara ប្រហែល២០០គីឡូម៉ែត្រភាគពាយព្យនៃទីក្រុង Kathmandu ហើយបានហោះទៅកាន់តំបន់ Jomsom ដែលមានចម្ងាយ ៨០គីឡូម៉ែត្រភាគពាយព្យនៃរដ្ឋធានី។ Jomsom គឺជាគោលដៅដើរលេងដ៏ពេញនិយមមួយនៅភ្នំហិម៉ាឡៃយ៉ាប្រហែល ២០នាទីតាមយន្តហោះពី Pokhara ។ ប្រទេសនេប៉ាល់មានកំណត់ត្រាសុវត្ថិភាពអាកាសចរណ៍ខ្សោយដោយសារតែការបណ្តុះបណ្តាល និងការថែទាំមិនគ្រប់គ្រាន់។ សហភាពអឺរ៉ុបបានហាមឃាត់ក្រុមហ៊ុនអាកាសចរណ៍នេប៉ាល់ទាំងអស់ចេញពីដែនអាកាសរបស់ខ្លួន ដោយសារការព្រួយបារម្ភអំពីសុវត្ថិភាព។ ប្រទេសនេះក៏មានផ្លូវរត់ដាច់ស្រយាល និងស្មុគស្មាញបំផុតមួយចំនួននៅលើពិភពលោក អមដោយកំពូលភ្នំព្រិល ដែលបង្កបញ្ហាប្រឈមសម្រាប់អ្នកបើកយន្តហោះ៕

ព័ត៌មាន

យប់នេះបេីគ្មានការចាំបាច់ សុំកុំចេញក្រៅផ្ទះ អភិបាលរាជធានីភ្នំពេញ ដាក់បទបញ្ជា គណៈបញ្ជាការឯកភាពខណ្ឌទាំង១៤ អនុវត្តឲ្យបានម៉ឺងម៉ាត់ អ្នកល្មើសបម្រាមគោចរសម្រាប់ម៉ូតូ ត្រូវពិន័យ២០ម៉ឺនរៀល រីឯឡាន១លានរៀល

August 2, 2021 adm

រាជធានីភ្នំពេញ ៖ លោកឃួង ស្រេង អភិបាលនៃគណៈអភិបាលរាជធានីភ្នំពេញ បានធ្វើការណែនាំឱ្យអាជ្ញាធរមានសមត្ថកិច្ចទាំងអស់ ត្រូវធ្វើការណែនាំទៅដល់អ្នកលក់ដូរ នៅតាមដងផ្លូវនានា តាមហាងក្នុងរាជធានីភ្នំពេញគឺមិនអនុញ្ញាតឲ្យមានការលក់ដូរហួសម៉ោង០៩យប់នោះទេ បើទោះបីការលក់ដូរនោះ ជាលក្ខណៈវេចខ្ចប់ក៏ដោយ។ ការណែនាំបែបនេះរបស់លោកឃួង ស្រេង អភិបាលរាជធានីភ្នំពេញបានធ្វើឡើង កាលពីរាត្រីថ្ងៃទី៣១ កក្កដា ខណៈដែលលោកបន្តដឹកនាំមន្ត្រីនិងកម្លាំងមានសមត្ថកិច្ចចំណុះឲ្យគណៈបញ្ជាការឯកភាពរាជធានីភ្នំពេញ ចុះពិនិត្យស្ថានភាពជាក់ស្ដែង នៅតាមគោលដៅបិទបម្រាមគោចរមួយចំនួននៅក្នុងរាជធានីភ្នំពេញ ដើម្បីពង្រឹងគោលដៅទាំងនោះ អោយមានភាពម៉ឺងម៉ាត់និងទទួលខុសត្រូវខ្ពស់ ទៅតាមសេចក្តីសម្រេចរបស់រដ្ឋបាលរាជធានីភ្នំពេញ ក៏ដូចជាសេចក្តីសម្រេចរបស់សម្តេចតេជោហ៊ុន សែន ដែលត្រូវបិទការធ្វើចរាចរណ៍ចាប់ពីម៉ោង០៩រហូតដល់ម៉ោង០៣ភ្លឺដើម្បីបង្ការនិងទប់ស្កាត់ជម្ងឺកូវីដ-១៩ ពិសេសជំងឺកូវីដ-១៩ បំលែងថ្មីដែលតា ។ លោកឃួង ស្រេង ក៏បានធ្វើការណែនាំឱ្យកងកម្លាំង អាជ្ញាធរមានសមត្ថកិច្ចទាំងអស់ត្រូវពង្រឹងតាមគោលដៅដោយភាពម៉ឺងម៉ាត់និងមិនមានការយោគយល់ ចំពោះអ្នកដែលល្មើសទៅនឹងសេចក្ដីសម្រេចរបស់រដ្ឋបាលរាជធានីភ្នំពេញ ក្នុងការបិទមិនឲ្យធ្វើចរាចរណ៍ចាប់ពីម៉ោង០៩យប់រហូតទៅដល់ម៉ោង០៣ជិតភ្លឺនេះ ពិសេសខណ្ឌនៅជាយក្រុងគឺមិនអនុញ្ញាតអោយចូលក្រុងឡើយ។ គួរបញ្ជាក់ថា ក្នុងរាត្រីថ្ងៃទី២នេះលោកឃួង ស្រេងបានចុះពិនិត្យ គោលដៅត្រួតពិនិត្យ នៅក្នុងមូលដ្ឋានខណ្ឌពោធិ៍សែនជ័យ ខណ្ឌកំបូល ខណ្ឌដង្កោ ខណ្ឌមានជ័យ ខណ្ឌចំការមន ខណ្ឌដូនពេញនិងខណ្ឌជ្រោយចង្វារ ដើម្បីឲ្យកម្លាំងមានសមត្ថកិច្ចទាំងអស់ពង្រឹងការងារឲ្យបានម៉ឺងម៉ាត់និងគ្មានការលើកលែងចំពោះអ្នកដែលល្មើសនឹងបម្រាមនេះ គឺមិនអនុញ្ញាតឲ្យមានការធ្វើចរាចរណ៍ចាប់ពីម៉ោង៩រហូតទៅដល់ម៉ោង៣ជិតភ្លឺ។ ចំពោះអ្នកដែលល្មើស សម្រាប់ម៉ូតូ គឺត្រូវផាកពិន័យចំនួន២០ម៉ឺនរៀល ឯរថយន្តត្រូវផាកពិន័យចំនួន ១ លានរៀល ដោយមិនមានការលើកលែងឡើយ៕

Related Articles

Leave a Reply Cancel reply