ព័ត៌មាន

អ៊ំស្រីឈ្មោះ គង់ យ៉ាន អាយុ ៥៤ឆ្នាំ រស់នៅស្រុកថ្មគោល ខេត្តបាត់ដំបង មានជំងឺភ្នែកទ្បើងបាយ ពុំមានលទ្ធភាពព្យាបាលដោយមានជីវភាពខ្វះខាត។

May 8, 2024 adm Comment(0)

ដោយក្ដីមេត្តាករុណាដ៏ខ្ពង់ខ្ពស់បំផុតពីសំណាក់សម្ដេចមហាបរវធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត, លោកទាំងទ្វេ បានចាត់គ្រូពេទ្យយុវជនស្ម័គ្រចិត្តសម្តេចតេជោ(TYDA) នាំយកអ៊ំស្រី មកពិនិត្យ ព្យាបាល និងបានធ្វើការវះកាត់ដោយទទួលបានជោគជ័យ នៅមន្ទីរពេទ្យព្រះអង្គឌួង កាលពីថ្ងៃទី០២ ខែឧសភា ឆ្នាំ២០២៤ កន្លងទៅ។

បច្ចុប្បន្ននេះ អ៊ំស្រី គង់ យ៉ាន បានធូស្រាល អាចមើលឃើញច្បាស់ជាថ្មី និងបានអនុញ្ញាតឱ្យត្រលប់ទៅផ្ទះវិញ ជាមួយអារម្មណ៍សប្បាយរីករាយ ព្រមទាំងគោរពអរគុណសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជាអនេក។

រាល់ការចំណាយលើការវះកាត់ព្យាបាល ស្នាក់នៅ ម្ហូបអាហារ ត្រូវបានជួយឧបត្ថម្ភគាំទ្រដោយ សម្ដេចមហាបរវធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ៕

អរគុណក្រុមគ្រូពេទ្យ TYDA

🌐 Hun Manet

🌐 Samdech Thipadei Hun Manet, Prime Minister of Cambodia

🌐 Instagram

🌐 X(Twitter)

🌐 YouTube

🌐 Tiktok

#TYDA #ហ៊ុនម៉ាណែត #Hunmanet #កម្ពុជា #Cambodia #សន្តិភាពនៅកម្ពុជា #Peaceincambodia

adm

ព័ត៌មាន

សម្តេចតេជោ សម្រេចបន្តដាក់វិធានការ ប្រយុទ្ធ និងទប់ស្កាត់ការ ឆ្លងជំងឺកូវីដ១៩ចំនួន៧ថ្ងៃទៀត ក្រោយរកឃើញវត្តមានដែលតាបន្តបន្ទាប់…!

August 12, 2021 adm

ភ្នំពេញ ៖ នាយប់ថ្ងៃទី១១ ខែសីហា ឆ្នាំ២០២១នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចបន្តអនុវត្តន៍យុទ្ធនាការពង្រឹងវិធានការប្រយុទ្ធ និងទប់ស្កាត់ការឆ្លងជំងឺកូវីដ១៩ចំនួន៧ថ្ងៃបន្ថែមទៀត ពោលគឺចាប់ពីថ្ងៃទី១៣-១៩ ខែសីហា ឆ្នាំ២០២១ ក្រោយសុពលភាពនៃការបិទព្រំដែនកម្ពុជា-ថៃ បើកឡើងវិញ។ សម្តេចតេជោ ហ៊ុន សែន បានបញ្ជាក់ក្នុងសេចក្តីណែនាំដដែលយ៉ាងដូច្នេះថា «ក្នុងគោលបំណងបង្កើនប្រសិទ្ធភាព ក្នុងការបន្តគ្រប់គ្រងហានិភ័យនៃការឆ្លងរាលដាលទ្រង់ទ្រាយធំ ក្នុងសហគមន៍នៃមេរោគកូវីដ-១៩ ប្រភេទដែលតា (Delta) ជាពិសេស ក្រោយវិធានការបិទខ្ទប់បណ្តាខេត្តជាប់ព្រំដែនកម្ពុជា-ថៃ និងខេត្តសៀមរាប ត្រូវបញ្ចប់តាមកាលកំណត់ នៅថ្ងៃទី១២ ខែសីហា ឆ្នាំ២០២១ វេលាម៉ោង២៣៖៥៩ នាទី ស្អែកនេះ, រាជរដ្ឋាភិបាល សម្រេចបន្តការអនុវត្ត យុទ្ធនាការពង្រឹងវិធានការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ នៅទូទាំងប្រទេស សម្រាប់រយៈពេល ៧ ថ្ងៃបន្ថែមទៀត រហូតដល់ថ្ងៃទី១៩ ខែសីហា ឆ្នាំ២០២១»៕

ព័ត៌មាន

ទ័ពសត្វប្រចៀវនៅ “ល្អាងភ្នំសំពៅ”ដែកឆក់ទេសចរនាថ្ងៃហៀបអស្ដង្គត

March 17, 2024 adm

ហ្វូងទ័ពសត្វប្រចៀវស្ទើរងងឹតមេឃ ដែលហើរចេញយ៉ាងទៀងទាត់ពីល្អាងភ្នំដ៏ស្ងប់ស្ងាត់រាល់ពេលព្រះអាទិត្យហៀបអស្តង្គត បង្កើតបានជាផ្ទាំងទស្សនីយភាពទាក់ទាញបេះដូងភ្ញៀវទេសចរជាតិនិងបរទេសឱ្យទៅកាន់ទីនោះ។ រហូតមានពាក្យមួយថា “ទៅបាត់ដំបង បើពុំបានទៅគយគន់ហ្វូងសត្វប្រចៀវចេញពីល្អាងភ្នំសំពៅទេ” ហាក់ដូចជាពុំបានទៅកម្សាន្តខេត្តបាត់ដំបងដូច្នេះដែរ។ ព្រោះតែហេតុនេះហើយទើបចាប់ពីថ្ងៃបាក់រសៀលគេសង្កេតឃើញពិសេសភ្ញៀវទេសចរបរទេសបានទៅកាន់តំបន់រមណីយដ្ឋានធម្មជាតិប្រវត្តិសាស្រ្ត”ភ្នំសំពៅ”ស្ថិតនៅក្នុងស្រុកបាណន់។ ប្រជាពលរដ្ឋស្ថិតនៅសហគមន៍ក្បែរកន្លែងទស្សនាបានរៀបចំ មានជាតុ កៅអីព្រមទាំងបម្រើសេវាគ្រឿងហូបចុកផ្សេងៗសម្រាប់ភ្ញៀវ ដែលទៅរង់ចាំទស្សនាហ្វូងទ័ពប្រចៀវដែលចេញពីសម្បុកហើរឆ្ពោះទៅលំហរវេហារជាក្រុមៗ។ប្រជាពលរដ្ឋអាចរកចំណូលបានពីភាពអច្ឆរិយៈនៃហ្វូងសត្វស្លាបរាប់លានក្បាលនៅទីនេះរាល់ថ្ងៃ។

ព័ត៌មាន

កម្ពុជា-វៀតណាម ប្តេជ្ញាពង្រឹង និងពង្រីកកិច្ចសហប្រតិបត្តិការ ដើម្បីឧត្តមប្រយោជន៍សម្រាប់ប្រជាជន និងប្រទេសទាំងពីរ ………

July 14, 2024 adm

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានទទួលជួបពិភាក្សាការងារជាមួយ ឯកឧត្ដម តូ ឡឹម (TO Lam) ប្រធានរដ្ឋ នៃសាធារណរដ្ឋសង្គមនិយមវៀតណាម និងគណៈប្រតិភូ នៅវិមានសន្តិភាព នាព្រឹកថ្ងៃទី១៣ ខែកក្កដា ឆ្នាំ២០២៤។ ក្នុងឱកាសនៃជំនួបនេះ ឯកឧត្តមប្រធានរដ្ឋ បានថ្លែងអំណរគុណចំពោះ សម្តេចធិបតី ដែលបានទទួលស្វាគមន៍យ៉ាងកក់ក្តៅ និងឆ្លៀតពេលវេលាដ៏មមាញឹកទទួលជំនួបពិភាក្សាការងារជាមួយឯកឧត្តម និងគណៈប្រតិភូ ព្រមទាំងបានផ្តាំផ្ញើការសួរសុខទុក្ខពីសំណាក់ឯកឧត្តម ផាម មិញជិញ នាយករដ្ឋមន្ត្រី នៃសាធារណរដ្ឋសង្គមនិយមវៀតណាម និងឯកឧត្តម ង្វៀង ហ៊្វូចុង អគ្គលេខាធិការ នៃគណៈកម្មាធិការមជ្ឈិមបក្សកុម្មុយនីស្តវៀតណាម ជូនចំពោះសម្តេចធិបតីផងដែរ។ ឯកឧត្តមប្រធានរដ្ឋ ក៏បានអបអរសាទរចំពោះកម្ពុជា ដែលសម្រេចបាននូវសមិទ្ធផលដ៏ត្រចះត្រចង់ ក្រោមម្លប់ដ៏ត្រជាក់របស់អង្គព្រះមហាក្សត្រ និងក្រោមការដឹកនាំរបស់សម្តេចតេជោ ហ៊ុន សែន ប្រធានព្រឹទ្ធសភា និងសម្តេចធិបតី នាយករដ្ឋមន្រ្តីនៃព្រះរាជាណាចក្រកម្ពុជា ហើយសង្ឃឹមថាប្រទេសកម្ពុជានឹងមានការរីកចម្រើនពីមួយថ្ងៃទៅមួយថ្ងៃ ដើម្បីឈានដល់ការសម្រេចបាននូវចក្ខុវិស័យឆ្នាំ២០៣០ ជាប្រទេសដែលមានចំណូលមធ្យមកម្រិតខ្ពស់ និងជាប្រទេសមានចំណូលខ្ពស់នៅឆ្នាំ ២០៥០។ បន្ថែមលើនេះ ឯកឧត្តមប្រធានរដ្ឋ […]

Related Articles

ទ័ពសត្វប្រចៀវនៅ “ល្អាងភ្នំសំពៅ”ដែកឆក់ទេសចរនាថ្ងៃហៀបអស្ដង្គត

Leave a Reply Cancel reply