ភ្នំពេញ : តបតាមការអញ្ជើញរបស់ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា ឯកឧត្តម ដូមីនិក រ៉ាអាប់ (Dominic Raab)រដ្ឋមន្រ្តីការបរទេស និងអភិវឌ្ឍន៍នៃចក្រភពអង់គ្លេស នឹងអញ្ជើញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជា នៅថ្ងៃទី២៣ ខែមិថុនា ឆ្នាំ២០២១។ រដ្ឋមន្រ្តីការបរទេសទាំងពីរ នឹងមានកិច្ចប្រជុំទ្វេភាគីដែលផ្តោតការពិភាក្សាលើទិដ្ឋភាព ផ្សេងៗនៃកិច្ចសហប្រតិបត្តិការទ្វេភាគី ព្រមទាំងបញ្ហាតំបន់ និងអន្តរជាតិដែលជាប្រយោជន៍ និងកង្វល់រួម។ ក្នុងឱកាសស្នាក់នៅរាជធានីភ្នំពេញ ឯកឧត្តម ដូមីនិក រ៉ាអាប់ នឹងមានជំនួបជាមួយ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ហើយក៏នឹងអញ្ជើញទៅទស្សនាសារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងមជ្ឈមណ្ឌលឯកសារកម្ពុជា ផងដែរ។ ទស្សនកិច្ចផ្លូវការរបស់ ឯកឧត្តម ដូមីនិក រ៉ាអាប់ នៅកម្ពុជា នឹងជួយរួមចំណែកជំរុញ និងពង្រឹងបន្ថែមទៀតនូវទំនាក់ទំនងទ្វេភាគីរវាងប្រទេសទាំងពីរ និងជាការបោះជំហានទៅមុខនៅក្នុងកិច្ចសហប្រតិបត្តិការពហុភាគីក្នុងក្របខ័ណ្ឌអាស៊ាន៕
ឯកឧត្តម Lee Hsien Loong នាយករដ្ឋមន្ត្រី នៃសាធារណរដ្ឋសិង្ហបុរី បានសម្តែងនូវការអបអរសាទរចំពោះជ័យជម្នះរបស់គណបក្សប្រជាជនកម្ពុជា ក្នុងការបោះឆ្នោតព្រឹទ្ធសភាឆ្នាំ២០២៤ និងការជ្រើសតាំងសម្តេចតេជោ ហ៊ុន សែន ជា ប្រធានព្រឹទ្ធសភា។ នេះបើយោងតាមសារលិខិតរបស់ឯកឧត្តមនាយករដ្ឋមន្ត្រីសិង្ហបុរី ដែលទីភ្នាក់ងារសារព័ត៌មានកម្ពុជា (AKP) ទទួលបាននៅថ្ងៃទី០៥ ខែមេសា ឆ្នាំ២០២៤នេះ។ នៅក្នុងសារលិខិត ឯកឧត្តមនាយករដ្ឋមន្ត្រីសិង្ហបុរី បានបញ្ជាក់បន្ថែមថា៖ “សិង្ហបុរី និងកម្ពុជា រីករាយនឹងទំនាក់ទំនងមិត្តភាពយូរអង្វែង រួមទាំងនៅក្នុងកម្រិតសភាផងដែរ។ ខ្ញុំប្រាកដក្នុងចិត្តថា សម្តេចតេជោនឹងបន្តផ្តល់ការគាំទ្រយ៉ាងពេញលេញ ដល់ទំនាក់ទំនងរបស់យើង ហើយដំណើរទស្សនកិច្ចមកកាន់ប្រទេសសិង្ហបុរីនាពេលខាងមុខរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា នឹងពង្រឹងចំណងទាក់ទងរវាងប្រទេសយើងឱ្យកាន់តែរឹងមាំបន្ថែមទៀត ក្នុងពេលដែលយើងធ្វើការជាមួយគ្នាដើម្បីជំរុញប្រយោជន៍ប្រទេសទាំងពីរទៅវិញទៅមក និងដើម្បីជាផលប្រយោជន៍ប្រជាជនប្រទេសយើងទាំងពីរ និងតំបន់។ ដោយឡែក ឯកឧត្តម Seah Kian Peng ប្រធានរដ្ឋសភានៃសាធារណរដ្ឋសិង្ហបុរី ក៏បានផ្ញើសារលិខិតអបអរសាទរជូនចំពោះ សម្តេចតេជោ ដែលត្រូវបានបោះឆ្នោតជ្រើសរើសជា ប្រធានព្រឹទ្ធសភា នីតិកាលទី៥ ផងដែរ។ ឯកឧត្តមប្រធានរដ្ឋសភា បានបញ្ជាក់នៅក្នុងសារលិខិតថា៖ […]
(ស្វាយរៀង)៖ ស្ថិតក្នុងបរិបទនៃការរីករាលដាលនៃជំងឺកូវីដ-១៩នេះ ព្រះសង្ឃនៅតាមទីអារាមមិនអាចនិមន្តបិណ្ឌបាតហើយប្រជាពុទ្ធបរិស័ទក៏មិនអាចយកចង្ហាន់ទៅប្រគេនព្រះសង្ឃដូចគ្រាមិននោះដែរ ដែលជាហេតុធ្វើឲ្យតាមទីអារាមមួយចំនួនធំតាមបណ្តាខេត្តនានាកំពុងប្រឈមនឹងការខ្វះខាត ពិសេសក្នុងខេត្តស្វាយរៀងនេះ ។ ទើបនៅថ្ងៃទី៣០ និងថ្ងៃ៣១ ខែ កក្កដា ឆ្នាំ២០២១នេះ ឯកឧត្តម ឌី វិជ្ជា និងលោកជំទាវ ហ៊ុន ម៉ាណា បានចាត់ឱ្យលោក ជិន ប៊ុនធឿន ជាតំណាងរួមជាមួយក្រុមការងារ នាំយកទេយ្យវត្ថុមួយចំនួនធំ និងបច្ច័យ ព្រមទាំងទៀនព្រះវស្សាវេរប្រគេនព្រះសង្ឃនៅតាមវត្តចំនួន២២ ស្ថិតនៅក្នុងស្រុកស្វាយជ្រំ និងស្រុកស្វាទាបនៃខេត្តស្វាយរៀង ។ ឆ្លៀតក្នុងឱកាសនោះ លោក ជិន ប៊ុនធឿនបាន សំណេះសំណាល និងពាំនាំយកនូវការផ្តាំផ្ញើរ សួរសុខ ទុក្ខពីសំណាក់ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ជូនដល់ពុកម៉ែ បងប្អូន លោកតាលោកយាយ ថា ទីណាមានទុក្ខលំបាក គឺឯកឧត្តម និងលោកជំទាវតែងតែចាត់អោយក្រុមការងារមកពិនិត្យ ព្រមទាំងជួយតាមស្ថានភាពជាក់ស្តែង ។ ម្យ៉ាងវិញទៀតលោកបានបន្ថែមថាប្រទេសកម្ពុជាយើង រាជរដ្ឋាភិបាលកំពុងរឹតបន្តឹងនូវវិធានការ ការទប់ស្កាត់ការឆ្លងរីករាលដាលនៃជំងឺកូវីដ-១៩ សូមអោយពុកម៉ែ បងប្អូន មេត្តាចូលអនុវត្តនូវវិធានការរបស់ក្រសួងសុខាភិបាល […]
