ខេត្តបាត់ដំបងៈ នៅវេលាម៉ោង០៤និង៣០នាទីថ្ងៃទី២៧ ខែធ្នូ ឆ្នាំ២០២១ ដោយអនុវត្តតាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការ នៃ ស្នងការដ្ឋាននគរបាលខេត្តបាត់ដំបង និង ក្រោមការបញ្ជាផ្ទាល់របស់លោកវរសេនីយ៍ឯក ប្រាក់ សាយ មេបញ្ជាការវរសេនាតូចនគរបាលការពារព្រំដែនគោកលេខ៨១៧ កម្លាំងប៉ុស្តិ៍ព្រំដែនគីឡូ៩សហការជាមួយកម្លាំងយោធាផ្នែកសឹករងសំពៅលូន កម្លាំងយោធាវរសេនាតូច៥៣៣ បានធ្វើសកម្មភាពទប់ស្កាត់ប្រជាពលរដ្ឋបំរុងលួចឆ្លងដែនចូលទឹកដីថៃខុសច្បាប់មួយករណីត្រង់ចំណុច ភូមិសាស្ត្រភូមិស្ពានយោល ឃុំជ្រៃសីមា ស្រុកសំពៅលូន ខេត្តបាត់ដំបង។ ជាមួយកិច្ចប្រតិបត្តិការខាងលើសមត្ថកិច្ចជំនាញបានធ្វើការឃាត់ខ្លួនមនុស្សចំនួន៥០នាក់ ស្រី១៤នាក់ ក្មេង១៤នាក់ ស្រី០៧នាក់, ក្នុងនោះសមត្ថកិច្ចឃាត់ជនសង្ស័យជាអ្នកនាំផ្លូវចំនួន០២នាក់, អ្នកបើកបររថយន្ត០១នាក់ ក្នុងនោះសមត្ថកិច្ចធ្វើការដកហូតវត្ដុតាងរួមមាន!-ម៉ូតូ០១គ្រឿង ម៉ាកHONDA ពណ៌ខ្មៅ ផលិតឆ្នាំ២០២០ ពាក់ស្លាកលេខ ពោធិ៍សាត់ 1H-3978២-រថយន្ដ០១គ្រឿង ម៉ាកHYUNDAI ពណ៌ស ស្លាកលេខ ភ្នំពេញ 3C-0636 ចំណុះ ១១,៥ តោន ហើយក្រោយពីឃាត់ខ្លួន បានធ្វើការសាកសួរចុះកំណត់ហេតុ និងអប់រំណែនាំរួចបានប្រគល់ប្រជាពលរដ្ឋទាំង៥០នាក់ ព្រមទាំងវត្ដុតាងទាំងអស់អោយទៅកម្លាំងជំនាញនៃអធិការដ្ឋាននគរបាលស្រុកសំពៅលូនចាត់ការបន្តតាមនីតិវិធី។
(ភ្នំពេញ)៖ នៅថ្ងៃទី០៩ ខែមិថុនា ឆ្នាំ២០២៣នេះ ស្ដ្រីម្នាក់ជាអ្នករកស៉ីចងការប្រាក់ និងមេតុងទីននោះ ត្រូវបានកម្លាំងអាវុធហត្ថរាជធានីភ្នំពេញ ចាប់ខ្លួន និងបញ្ជូនទៅកាន់សាលាដំបូងរាជធានីភ្នំពេញ ពាក់ព័ន្ធបណ្ដឹងព្រហ្មទណ្ឌពីបទ «មិនបំពេញកាតព្វកិច្ចចំពោះឧបករណ៍ ដែលអាចជួយដូរបាន» (ចេញសែកស្អុយ) នូវទឹកប្រាក់សរុប២០ម៉ឺនដុល្លារ។ ស្ដ្រីដែលត្រូវបានចាប់ខ្លួននេះឈ្មោះ លី គន្ធា អាយុ២៤ឆ្នាំ មានទីលំនៅបច្ចុប្បន្ន ផ្ទះលេខ២៨៩ ផ្លូវទន្លេសាប សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។ ការឃាត់ខ្លួនស្ត្រីរូបនេះ តាមដីការបង្គាប់ឲ្យនាំខ្លួនរបស់លោក ច្រឹង ខ្មៅ តំណាងអយ្យការ អមសាលាដំបូងរាជធានីភ្នំពេញ លេខ២៤២ ចុះថ្ងៃទី១៩ ខែឧសភា ឆ្នាំ២០២៣។ សមត្ថកិច្ចបញ្ជាក់ថា ស្ត្រីឈ្មោះ លី គន្ធា បានព្យាយាមរត់គេចលាក់ខ្លួនអស់រយៈពេលជិត២ខែ ហើយក្រោយមកបានដំណឹងថា ត្រូវបានគេប្រទះឃើញនៅខេត្តព្រះសីហនុ និងនៅតាមបណ្តាខេត្តផ្សេងជាច្រើនទៀត។ ការរត់គេចខ្លួនរបស់ស្ត្រីឈ្មោះ លី គន្ធា គឺក្នុងអំឡុងពេលដែលស្ត្រីមេតុងទីនរូបនេះ បានប្រមូលលុយពីកូនតុងទីន និងបានចងការប្រាក់គេ យកទៅទិញរថយន្តទំនើបចំនួន២គ្រឿង យកទៅបើកហាងផឹកសុី និងយកទិញផ្ទះខុនដូរ ជាច្រើនកន្លែង។
កាលពីរសៀលថ្ងៃទី២១ ខែមីនា យន្តហោះ Boeing 737 ដឹកមនុស្ស១៣២នាក់ របស់ក្រុមហ៊ុនអាកាសចរណ៍ China Eastern Airlines ដែលមានលេខហោះហើរ MU5735 បានធ្លាក់នៅតំបន់ Dang ទីក្រុង Wuzhou តំបន់ស្វយ័ត Zhuang ក្នុងខេត្ត Quang។ តាមរយៈវីដេអូកាមេរ៉ាសុវត្ថិភាព យន្តហោះ Boeing នេះបានធ្លាក់ 90 ដឺក្រេត្រង់ចុះពីលើភ្នំក្នុងរយៈពេលត្រឹមតែ ៥ វិនាទីប៉ុណ្ណោះ។ យោងតាមទិន្នន័យហោះហើរ ពុំមានព័ត៌មានណាមួយដែលថា អ្នកបើកយន្តហោះបានទាក់ទងជាមួយផ្ទៃដី មុនពេលធ្លាក់នោះទេ។ ហើយនៅល្ងាចថ្ងៃទី២១ ខែមីនា ដដែលក្រុមហ៊ុនអាកាសចរណ៍ China Eastern Airlines បានប្រកាសថា មូលហេតុនៃឧប្បត្តិហេតុនេះកំពុងស្ថិតក្រោមការស៊ើបអង្កេតនៅឡើយ ហើយអាចបញ្ជាក់បានបន្ទាប់ពីរកឃើញប្រអប់ខ្មៅ។ អ្នកស្រុកជាច្រើនដែលបានឃើញឧបទ្ទវហេតុនេះ បាននិយាយថា យន្តហោះនេះត្រូវបាន «ខ្ទេចទាំងស្រុង» បន្ទាប់ពីឧបទ្ទវហេតុដ៏អាក្រក់ដែលបានដុតបំផ្លាញព្រៃឈើទាំងមូល។ បច្ចុប្បន្នមានសញ្ញាតិចតួចបំផុតនៃអ្នកនៅរស់រានមានជីវិត បើទោះជាចំនួនអ្នកស្លាប់និងរបួសមិនត្រូវបានគេប្រកាស។ បំណែកនៃយន្តហោះ ត្រូវបានគេប្រទះឃើញរាយប៉ាយគ្រប់ទីកន្លែង។ សាក្សីនៅកន្លែងកើតហេតុដែលបានចូលរួមក្នុងការជួយសង្គ្រោះបាននិយាយថា ពួកគេមិនបានឃើញជនរងគ្រោះណាម្នាក់ទេ ដោយសារតែយន្តហោះ “បានបាក់ជាបំណែកៗ” បន្ទាប់ពីវាបានធ្លាក់។ […]