១. ខ្ញុំចូលចិត្តជួបផ្ទាល់ ដើម្បីបានព័ត៌មានច្បាស់លាស់ពាក់ព័ន្ធការរស់នៅរបស់ប្រជាពលរដ្ឋ ២. សូមកោតសរសើរ និងថ្លែងអំណរគុណដល់ប្រមុខការទូតកម្ពុជា ក៏ដូចជាមន្ត្រីក្រសួងការបរទេស និងមន្ត្រីស្ថានទូត ដែលធ្វើការងារបានល្អ ៣. ស្ថានទូតខ្មែរនៅក្រៅប្រទេស ត្រូវធ្វើការបម្រើ និងគាំទ្រពលរដ្ឋខ្មែរគ្រប់រូប ៤. សូមអរគុណអ្នកឧកញ៉ា គិត ម៉េង ដែលបានប្រឹងប្រែងទាក់ទាញអ្នកវិនិយោគបរទេសមកកាន់កម្ពុជា ៥. ក្នុងជំនួបជាមួយប្រធានាធិបតីកូរ៉េខាងត្បូង ខ្ញុំបានស្នើឱ្យកូរ៉េបង្កើនកូតាការងារសម្រាប់ពលករកម្ពុជា ៦. ខ្ញុំសម្រេចអនុញ្ញាតឱ្យរៀបចំធ្វើ លិខិតឆ្លងដែន ជូនពលករខ្មែរនៅកូរ៉េខាងត្បូង ដោយផ្ទាល់តែម្តង ៧. ការប្រលងក្របខណ្ឌរដ្ឋគ្រប់ក្រសួង ស្ថាប័ន ចាប់ពីពេលនេះតទៅ “អ្នកចេះ គឺជាប់” “កំណែទម្រង់ដើម្បីទាំងអស់គ្នា ទាំងអស់គ្នាដើម្បីកំណែទម្រង់”
សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងជាសមាជិករដ្ឋសភាមណ្ឌលខេត្តកណ្តាល អញ្ជើញថ្លែងសារសំណេះសំណាលទៅកាន់សមាជិក សមាជិការដ្ឋសភា និងផ្ញើជូនទៅកាន់ជនរួមជាតិទាំងអស់ នាព្រឹកថ្ងៃទី០១ ខែមេសា ឆ្នាំ២០២៤ នៅក្នុងសម័យប្រជុំលើកទី២ នីតិកាលទី៧ ដែលជាថ្ងៃចុងក្រោយរបស់សម្តេចតេជោ ក្នុងនាមជាសមាជិករដ្ឋសភា។
នាព្រឹកថ្ងៃទី៨ ខែមេសា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក Jonathan K.S. Choi ប្រធានក្រុមហ៊ុន Sunwah Group ចូលជួបសម្តែងការគួរសម និងពិភាក្សាការងារ។ ក្នុងឱកាសនៃជំនួប លោកប្រធានក្រុមហ៊ុន បានថ្លែងអំណរគុណយ៉ាងជ្រាលជ្រៅចំពោះ សម្តេចធិបតី ដែលបានចំណាយពេលដ៏មមាញឹកអនុញ្ញាតឱ្យរូបលោក និងគណៈប្រតិភូ ចូលជួបសម្ដែងការគួរសម និងពិភាក្សាការងារ។ លោកប្រធានក្រុមហ៊ុន បានគោរពជម្រាបជូនសម្តេចធិបតី អំពីដំណើរការវិនិយោគរបស់ក្រុមហ៊ុន Sunwah Group ក្នុងព្រះរាជាណាចក្រកម្ពុជាចាប់តាំងពីឆ្នាំ១៩៩៤ ជាពិសេសការបង្កើតរោងចក្រកែច្នៃគ្រឿងសមុទ្រ ដើម្បីនាំចេញទៅទីផ្សារបរទេស។ បន្ថែមលើនេះ លោកប្រធានក្រុមហ៊ុន ក៏បានគោរពជម្រាបជូនសម្តេចធិបតីថា ក្នុងដំណើរទស្សនកិច្ចរបស់រូបលោក និងសហការីនាឱកាសនេះ មានតំណាងក្រុមហ៊ុនវិនិយោគប្រមាណជាង៧០ក្រុមហ៊ុន ដែលមានអាជីវកម្មក្នុងវិស័យជាច្រើនដូចជា៖ បច្ចេកវិទ្យាហិរញ្ញវត្ថុ ឌីជីថល អចលនទ្រព្យ ថាមពល និងទេសចរណ៍ ជាដើម។ ជាងនេះទៅទៀត លោកប្រធានក្រុមហ៊ុន ក៏បានបង្ហាញបំណងក្នុងការវិនិយោគបន្ថែមទៀតលើវិស័យមួយចំនួន រួមមាន៖ (១) វិនិយោគអភិវឌ្ឍន៍តំបន់សេដ្ឋកិច្ចពិសេសបៃតង (Green SEZ) […]
