ភ្លៀងលាយឡំខ្យល់កន្ត្រាក់ បណ្តាលអោយខូចខាតផ្ទះពលរដ្ឋមួយចំនួនក្នុងក្រុងបាត់ដំបង

April 6, 2021 adm Comment(0)

បាត់ដំបង ៖ នៅថ្ងៃទី០៣ ខែមេសា ឆ្នាំ២០២១ មានករណីភ្លៀងមួយមេលាយឡំខ្យល់កន្ត្រាក់១លើក លើ៥ក្រុង ស្រុក ក្នុងខេត្តបាត់ដំបង ។

តាមការរាយការណ៍ពីសមត្ថកិច្ចបានអោយដឹងថា ក្រុងស្រុកដែលរងផលប៉ះពាល់ពីភ្លៀងធ្លាក់ខ្យល់កន្ត្រាក់នេះរួមមាន ក្រុងបាត់ដំបង ស្រុកសង្កែ ស្រុកគាស់ក្រឡ ស្រុកថ្មគោល និងស្រុកបាណន់។ គ្រោះធម្មជាតិនេះបណ្តាលអោយខូចខាតផ្ទះពលរដ្ឋសរុបជារួមចំនួន ៥៧ខ្នង ។ ដោយឡែកស្រុកបាណន់មានករណីភ្លៀងធ្លាក់រន្ទះបាញ់បណ្តាលឲ្យស្លាប់គោ ចំនួន០២ក្បាលផងដែរ។

បច្ចុប្បន្ន កម្លាំងនគរបាលក្រុងស្រុកបានចុះធ្វើការត្រួតពិនិត្យនិងរៀបចំសណ្តាប់ធ្នាប់ជូនម្ចាស់ផ្ទះឡើងវិញ៕

adm

ព័ត៌មានសន្តិសុខសង្គម

ពិតជាមិនធម្មតា ស្ត្រីជនជាតិចិនម្នាក់ បើករថយន្តស៊េរីទំនើបម៉ាក RANG ROVER បុកបុរសជា ជនអនាថា ម្នាក់ ស្លាប់ យ៉ាងអាណោចអាធ័ម រួចបន្តទៅបុករះរថយន្តចំនួន៤គ្រឿងទៀតរងការខូចខាតយ៉ាងដំណំ..!!!

September 21, 2021 adm

ភ្នំពេញ ៖ បុរសជាជនអនាថាវ័យជាង៣០ឆ្នាំ ម្នាក់បានស្លាប់បាត់បង់ជីវិត យ៉ាងអាណោចអាធ័មនៅក្នង ថ្លុកឈាមខណៈជនរងគ្រោះកំពុងតែដើរនៅលើចិញ្ចើម ផ្លូវសុខ ៗ ស្រាប់តែ មាន រថយន្ត ស៊េរី ទំនើប មួយគ្រឿង ម៉ាក RANG ROVER ពណ៌ស បើកបរ ដោយ នារី ជនជាតិ ចិន ម្នាក់ បើក បោះពួយក្នុងល្បឿនយ៉ាងលឿនមកបុកពីក្រោយរួចបន្តទៅបុករថយន្តចំនួន៤ គ្រឿងផ្សេង ទៀតដែលម្ចាស់ចតទុកចោលតម្រៀបគ្នានៅមុខក្រសួងអភិវឌ្ឍជនបទបណ្តាលអោយរង ការខូចខាតយ៉ាងដំណំ ។ ហេតុការណ៍ខាងលើនេះដែរបានកើតឡើងកាលពីវេលាម៉ោង១០និង៤០នាទីព្រឹកថ្ងៃទី១៩ខែកញ្ញា ឆ្នាំ២០២១នៅចំណុចមុខធនាគារភ្នំពេញពាណិជ្ជតាមបណ្តោយផ្លូវព្រះ មុនី វង្សស្ថិតក្នុង សង្កាត់បឹងត្របែកខណ្ឌចំការមនរាជធានីភ្នំពេញ ។ រថយន្ត ស៊េរី ទំនើប មួយគ្រឿង ខាងលើ ម៉ាក RANGE ROVER ពណ៌ ស ពាក់ ស្លាក លេខ ភ្នំពេញ 2AL- 2013 បើកបរ ដោយ នារី […]

ព័ត៌មាន ព័ត៌មានសន្តិសុខសង្គម

ជនជាតិម្នាក់ឈ្មោះ CHEN KEXIត្រូវតុលាការសម្រេចផ្តន្ទាទោសលើ ដាក់ពន្ធនាគារ២៥ឆ្នាំ ពិបទដឹកជញ្ជូន និងជួញដូរដោយខុសច្បាប់នូវសារធាតុញៀន

June 22, 2022 adm

ភ្នំពេញ៖ ចៅក្រមជំនុំជម្រះសាលាដំបូងរាជធានីភ្នំពេញ នៅថ្ងៃទី២២ ខែមិថុនាឆ្នាំ២០២២ បានសម្រេចធ្វើការប្រកាសសាលក្រមផ្តន្ទាទោសលើឈ្មោះ CHEN KEXI ភេទប្រុស ជនជាតិចិន កើតឆ្នាំ១៩៨១ កាន់លិខិតឆ្លងដែនលេខ EB2396631 ស្នាក់នៅក្នុងបន្ទប់ ២០៥ អាផាត់មិនវិមាឯករាជ្យ ផ្លូវ១២៤ សង្កាត់លេខ៣ ក្រុង-ខេត្តព្រះសីហនុ ដាក់ពន្ធនាគារចំនួន២៥ឆ្នាំ ពិន័យ៥០លានរៀលបង់ចូលថវិការដ្ឋ ក្រោមការចោទប្រកាន់ពីបទ. ដឹកជញ្ជូន និងជួញដូរដោយខុសច្បាប់នូវសារធាតុញៀន។ កាលពីថ្ងៃទី២៧ ខែវិច្ឆិកា ឆ្នាំ២០២០ កម្លាំងជំនាញបានធ្វើការស្រាវជ្រាវ កំណត់បានមុខសញ្ញាមេខ្លោងម្នាក់ឈ្មោះ CHEN KEXI ភេទប្រុស ជនជាតិចិន កើតឆ្នាំ១៩៨១ កាន់លិខិតឆ្លងដែនលេខ EB2396631 ស្នាក់នៅក្នុងបន្ទប់ ២០៥ អាផាត់មិនវិមានឯករាជ្យ ផ្លូវ១២៤ សង្កាត់លេខ៣ ក្រុង-ខេត្តព្រះសីហនុ និងចាប់យកវត្ថុតាងបាន គ្រឿងញៀនប្រភេទមេតំហ្វេតាមីន (ICE) ទម្ងន់ ១២០.២៧ក្រាម បន្ថែមទៀត ដោយលាក់បង្កប់ក្នុងចម្លាក់ឈើ រូបដំរីចំនួន២ និងដំបងឈើ ២កំណាត់ ៣គូ។ សូមបញ្ជាក់ថា ជនជាប់ចោទត្រូវបានចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនដាក់ពន្ធនាគារ កាលពីថ្ងៃទី១១ខែមករាឆ្នាំ២០២១៕ […]

ព័ត៌មាន ព័ត៌មានសន្តិសុខសង្គម

រដ្ឋបាលខេត្តស្វាយរៀងនិងក្រុមការងារចម្រុះជួបពិភាក្សាត្រួតពិនិត្យនិងចុះពិនិត្យទីតាំងព្រៃឈើជាក់ស្តែងដែលប្រជាពលរដ្ឋចូលរុករានកាន់កាប់ និងអាស្រ័យផលលើដីស្ថានីយ៍ផ្សព្វផ្សាយនិងស្តារព្រៃឈើក្រសាំង នៅស្រុករមាសហែក

September 13, 2023 adm

ខេត្តស្វាយរៀង: ឯកឧត្តម ម៉ែន អេង អភិបាលរងខេត្តស្វាយរៀងតំណាងឯកឧត្តម ប៉េង ពោធិ៍សា អភិបាលខេត្តនិងក្រុមការងារចម្រុះនៅព្រឹកថ្ងៃទី១២ខែកញ្ញា ឆ្នាំ២០២៣ បានដឹកនាំកិច្ចប្រជុំជួបជាមួយតំណាងប្រជាពលរដ្ឋដើម្បីពិភាក្សាដោះស្រាយរួមអំពីការរុករានកាន់កាប់ និងអាស្រ័យផលលើដីស្ថានីយ៍ផ្សព្វផ្សាយនិងស្តារព្រៃឈើក្រសាំង។ ក្នុងកិច្ចប្រជុំនេះក៏មានការចូលរួមពីសំណាក់លោកអភិបាលរងស្រុករមាសហែក លោកប្រធានមន្ទីរកសិកម្មខេត្ត លោកប្រធានមន្ទីរដែនដីនគរូបនីយ៍កម្មសំណង់និងសុរិយោដីខេត្តអស់លោកលោកស្រី ក្រុមការងារថ្នាក់ស្រុក ឃុំ ក្រសាំង ឃុំត្រស់ និង ឃុំ អណ្តូងត្របែកផងដែរ។ ឯកឧត្តម ម៉ែន អេង បានមានប្រសាសន៍ឱ្យដឹងថា:កិច្ចការងាររបស់រដ្ឋបាលខេត្តស្វាយរៀងគឺជាអ្នកសម្របសម្រួលពីព្រោះថារឿងដីនេះវាពាក់ព័ន្ធទៅនឹងក្រសួងកសិកម្មដែលមានតំណាងក្រសួងកសិកម្មជាអ្នកចូលមកដើម្បីត្រួតពិនិត្យហើយនិងព្យាយាមដោះស្រាយឱ្យបងប្អូន។ ឯកឧត្តម ម៉ែន អេង បានមានប្រសាសន៍បន្តទៀតថា:នាពេលកន្លងមកអ្នកតំណាងពីមុនជាអ្នកបង្កបញ្ហារហូតមកដល់សព្វថ្ងៃនេះពីព្រោះថាមានបងប្អូនប្រជាពលរដ្ឋយើងបាននាំគ្នារៃអង្គាសថវិកាឲ្យអ្នកតំណាងមួយចំនួនអញ្ចឹងហើយនៅពេលដែលលោកបានអញ្ជើញមកជួបជាមួយបងប្អូនលោកតែងតែប្រាប់បងប្អូនប្រជាពលរដ្ឋកុំឱ្យចំណាយថវិកានៅក្នុងការរត់ឯកសារដែលវាខុសនឹងនីតិវិធីហេតុដូច្នេះហើយលោកសូមអំពាវនាវកុំឱ្យបងប្អូនចាញ់បោកគេ។ ឯកឧត្តមអភិបាលរងខេត្តក៏បានក្រើនរំលឹកដល់បងប្អូនប្រជាពលរដ្ឋត្រូវទុកចិត្តលើរដ្ឋបាលខេត្តក្នុងការដោះស្រាយនូវបញ្ហាផ្សេងៗ។ដូច្នេះហើយប្រសិនបើបងប្អូនប្រជាពលរដ្ឋមានកិច្ចការអ្វីនោះត្រូវធ្វើសំណុំលិខិតក៏ដូចជាសំណើទៅតាមភូមិឃុំស្រុកក៏ដូចជារដ្ឋបាលខេត្តស្វាយរៀងដើម្បីដោះស្រាយទៅតាមនីតិវិធីច្បាប់មិនត្រូវធ្វើរំលងរដ្ឋបាលខេត្តនោះឡើយពីព្រោះថាការដោះស្រាយគឺថ្នាក់ក្រោមជាអ្នករៀបចំសំណុំឯកសារទៅតាមផ្លូវច្បាប់។ សូមរម្លឹកផងដែរថា:កិច្ចការដី៧៨គ្រួសារកន្លងមកបងប្អូនប្រជាពលរដ្ឋបានសុំទៅខេត្តក្នុងឆ្នាំ ២០១១ កន្លងមករដ្ឋបាលខេត្តបានដាក់សំណើជូនសម្ដេចនាយករដ្ឋមន្ត្រីហើយសម្តេចបានចាត់ឱ្យធ្វើការវាស់វែងដីនៅទូទាំងប្រទេសតែម្ដងដោយមានមន្ត្រីសុរិយោដីក៏ដូចជានិស្សិតស្ម័គ្រចិត្តដែលនៅពេលវាស់ចែកជូននោះគឺមានរយៈពេលមួយឆ្នាំទើបចប់សព្វគ្រប់ដោយពុំមានការតវ៉ានោះទេមានទាំងរបាយការណ៍ថែមទៀតផង។ ក្នុងកំឡុងខែកក្កដាឆ្នាំ ២០១២ គណៈរដ្ឋមន្ត្រីបានចេញស.ជ.ណបញ្ចប់រួចហើយដោយមិនទទួលស្គាល់លិខិតផ្សេងៗទៀតនោះឡើយ។ ដូច្នេះហើយសូមកុំឲ្យបងប្អូនប្រជាពលរដ្ឋជឿទៅលើការញុះញង់ថាមានការចែកដីធ្លីធ្វើប្លង់ដីទៀតឱ្យសោះ។ មានអ្នកខ្លះដើរប្រមូលលុយគេឮថាឆ្វៀលដីកន្លែងផ្សេងៗទៀតឱ្យគឺបានបញ្ចប់ហើយបើមានអីត្រូវដាក់ទៅរដ្ឋបាលខេត្ត។ អ្វីដែលខុសគឺវានៅតាមលងជានិច្ច។ អ្នកដែលរំលោភយកដីធ្លីត្រូវមានទោសទណ្ឌ។ ដូច្នេះតំណាងបងប្អូនប្រជាពលរដ្ឋត្រូវស្វែងរកឯកសារគេផងជៀសវាងមានបញ្ហា។ នាពេលបច្ចុប្បន្ននេះរាជរដ្ឋាភិបាលកំពុងអភិវឌ្ឍន៍ការដាំឈើដែលមានល្បឿនលឿនដោយដាំវិលជុំ។ ដូច្នេះរដ្ឋត្រូវធ្វើតាមច្បាប់បើខុសច្បាប់និងទទួលទោសទណ្ឌជាប់ពន្ធនាគារពីមួយឆ្នាំទៅ ៥ឆ្នាំ។ សូមបញ្ជាក់ផងដែរថា:នៅក្នុងឱកាសនោះដែរក្រុមការងារចម្រុះក៏បានអញ្ជើញចុះទៅត្រួតពិនិត្យទីតាំងដីស្ថិតនៅក្នុង ឃុំ ត្រស់ ឃុំ អណ្តូងត្របែក និង ឃុំក្រសាំង ស្រុករមាសហែកដែលត្រូវបានជនមិនស្គាល់មុខយកកូនឈើទៅដាំក្នុងបំណងរំលោភយកដីរដ្ឋផងដែរ។

Related Articles

Leave a Reply Cancel reply